Rexhep Shehu

1937-2006

U lind në Tiranë ku mori dhe arsimin 7-vjeçar dhe atë të mesëm.

Kreu studimet e larta gjatë viteve 1952-1957 në Institutin Politeknik të Tiranës, dega Gjeologji, ku u diplomua me titullin inxhinier gjeolog.

Gjatë viteve 1957-1959, punoi në kërkim-zbulimin e vendburimeve Thekën dhe Martanesh.

Në vitin 1959 u emërua në Komitetin Shtetëror të Gjeologjisë, në vitet 1960-1962 ishte specialist në Drejtorinë e Përgjithshme Gjeologjike, në periudhën 1962-1965 u emërua kryetar i degës gjeologjike dhe në vitet 1967-1971 kryespecialist i po kësaj dege.

Në vitet 1967-1971 mbante postin e zv.Drejtorit të Institutit të Studimeve dje Projektimeve të Gjeologjisë dhe Minierave.

Gjatë viteve 1971-1975 ndihmës i zv. Kryeministrit për naftën, gjeologjinë e minierat.

Në vitet 1975-1978 ishte Drejtor i minierës së kromit Batër.

Në vitin 1978 emërohet zv. Ministër i Industrisë dhe Minierave, detyrë të cilën e mbajti deri më 1981.

Në vitet 1981-1987 shef sektoridhe specialist për gjeologjinë e minierat në Aparatin e Këshillit të Ministrave.

Gjatë viteve 1987-1992 specialist dhe shef sektori në Komitetin e Shkencës e Teknikës, ku edhe del në pension.

Prej vitit 1972 mbante titulli "Bashkëpuntor i Vjetër Shkencor", dhe në vitin 2001 mori titullin "Profesor".

Dha një kontribut të veçantë në vlerësimin e mineralmbajtjes të rajoneve të ndryshme, në kërkim-zbulimin e vendburimeve të kromit dhe bakrit, në studime përgjithësuese për hapjen e prespektivës së krombajtjes të zonës Bulqizë-Batër, për strukturat rrudhosëse të kromit etj.Ishte drejtues i studimeve sintezë pr botimin e dytë të "Harta Gjeologjike e Shqipërisë 1:200 000" 1983; tekstit sqarues "Gjeologjia e Shqipërisë" 1990, "Harta Metalogjenike e Shqipërisë" (1985), si dhe bashkëautor në "Harta Tektonike e Shqipërisë për harkun Karpato-Ballkanik", "Harta Tektonike dhe Metalogjenike e Europës"

Për shumë vite ka qenë Pedagog i jashtëm në Fakultetin e Gjeologjisë dhe Minierave për lëndën "Metodikat e kërkim-zbulimit të vendburimeve të mineraleve të ngurtë". Ai ishte gjithashtu bashkëautor i teksteve universitare "Bazat e metodave të kërkim-zbulimit të vendburimeve të mineraleve të dobishme" (1971), "Provëmarrja dhe dokumentimi gjeologjik" (1978, 1982) "Kërkim-ybulimi dhe llogaritja e rezervave të lëndës së parë minerale (1981).

Bashkautor i disa raporteve gjeologjike të zbulimit të vendburimeve Thekë, Kalimash etj. Pjesmarrës e referues në kongrese e konferenca kombetare e ndërkombëtare. Bashkëpuntor i hartimit të instruksioneve të klasifikimit të vb. Të kromit e bakrit si dhe i 21 artikujve shkencorë

Për punën e tij është dekoruar me Urdhëri i Punës i klasit III, Urdhëri për Punë të Shquar në Miniera dhe Gjelogji i klasit II dhe I, si dhe dy Çmime të Republikës të shkallës I.

Vdekja e papritur e ndau para kohe duke lënë në pikëllim familjen, miqtë dhe kolegët.

 

Teki Biçoku, Adil Neziraj, Fethi Arkaxhiu, Kadri Gjata, Mehmet Zaçaj, Xhelil Karkanaqe, Halil Hallaçi, Rrahman Muceku, Ramazan Ceni, Afat Serjani.

Sefedin Qorlaze

(1937-2006)

U lind në fashatin Maqellarë të rrethit Dibër. Këtu ai kreu shkollën fillore, ndërsa shkollën e mesme në Peshkopi.

Studimet e larta i kreu gjatë viteve 1956-1961 në Fakultetin e Inxhinierisë, dega gjeologji të Universitetit të Tiranës, ku mori titullin inxhinier gjeolog.

Menjëherë pas diplomimit deri në vitin 1971 kreu detyrën e kryegjeologut në Ndërmarrjen Gjeologjike të Bulqizës.

Gjatë viteve 1971-1976 punoi si specialist në Drejtorinë e Gjeologjisë në Ministri, gjatë viteve 1976-1980 inxhinier gjeolog në minierën e kromit Bulqizë, në vitet 1980-1984 kryegjeolog i Ndërmarrjes Gjeologjike Bulqizë dhe gjatë viteve 1984-1994, shef Kabineti në Institutin e Kërkimeve Gjeologjike, Tiranë, ku edhe doli në pension.

Krahas detyrave drejtuese ai është marrë edhe me detyra konkrete të kërkim-zbulimit të vendburimeve të kromit në Bulqizë dhe objekteve përreth si Bulqizë-Allmarinë, Qafë-Buall, studime tematiko-përgjithësuese për sqarimin e prespektivës krombajtëse të zonës Bulqizë-Batër-Thekën, për metodikën e punimeve gjeologjike, rrjetat e kërkim-zbulimit, klasifimin e rezervave dhe metodat e llogaritjes së rezervave të kromit etj.

Rezultatet e studimeve si autor kryesor i ka paraqitur në bashkëpunim me të tjerë në "Raport gjeologjik me llogaritje rezervash me gjendje 1.1.1964" Bulqizë 1964; "Raport mbi studimin tematik-përgjithësues dhe kërkimin kompleks gjeologo-gjeofizik dhe prognoza e krombajtjes se masivit ultrabazik të Bulqizës", "Çelja e prespektivës dhe konkretizimi i vazhdimësisë të pasur të krahut lindor të vendburimit Bulqizë dhe nënzonën ndërmjet "Bulqizë-Almarinë-Afërliqnem" Tiranë 1986; "Studim mbi problemet metodike të kërkimi-zbulimit të mineralit të kromit dhe kriteret e llogaritjes së rezervave" Tiranë 1988; "Studim tërësor tekniko-ekonomik mbi prespektivën e zhvillimit të industrisë së kromit deri në vitin 2007" Tiranë 1989; "Klasifikimi i vendburimeve të kromit sipas faktorëve që kushtëzojnë metodikën e kërkimit dhe zbulimit" tiranë 1990 etj. Si dhe ka publikuar 8 artikuj shkencorë

Ai gjithashtu ka qenë bashkëautor në tekstet universitare "Bazat metodike të kërkim-zbulimit të vendburimeve të mineraleve të dobishme" 1971; Provëmarrja dhe dokumentacioni gjeologjik" 1978; Kërkim-zbulimi dhe llogaritja e rezervave të lëndës së parë minerale" 1981.

Për punën e tij dhe studimet e suksesëshme është dekoruar me Medaljen e Punës, Urdhrin e Punës të Klasit III dhe Çmime të Republikës të shkallës I e II

Sefedin Qorlaze ka qenë personalitet në fushën e gjeologjisë, dhe ka dhënë kontribut të veçantë në zbulimin e mineralit të kromit sidomos në masivin e Bulqizës.

Ai ishte bashkëshort e prind shembullor.

Vdekja e ndau para kohe, duke lënë të pikëlluar familjen, miqtë dhe kolegët e tij.

Puna dhe kujtimi i tij do të frymëzojë shumë breza gjeologësh

 

Teki Biçoku, Adil Neziraj, Fethi Arkaxhiu, Kadri Gjata, Mehmet Zaçaj, Xhelil Karkanaqe, Halil Hallaçi, Rrahman Muceku, Ramazan Ceni, Afat Serjani.